Дека убавината доаѓа во сите форми и големини најдобро покажува магазинот ESPN кој во својот дел посветен на телото шеста година по ред им оддава почит на атлетичарите и спортистите.

За таа цел 22 спортисти се соблекоа голи и позираа пред фотоапаратите покажувајќи ги нивните мускулести тела.

Високи, ниски, со помала или поголема тежина, сите имаат нешто заедничко – мускулесто тело, спортски дух и прекрасна енергија која ја црпат токму од спортот.

Преку разголената фотосесија магазинот ESPN и оваа година покажа дека има многу типови на човечко тело, покрупни, поситни, со мал или голем обем на половината, и секое од нив е убаво на свој начин.