Зимата е на самиот праг, а оние кои се греат на дрва, оваа зима можат да направат свои уметнички дела и мозаици кои ќе ги украсуваат дворовите.
Постапката на средување на дрвата за во зима иако е многу макотрпна и тешка, истовремено може да биде забавна и интересна.
Сигурно сега се прашувате како е можно тоа. Можно е и тоа како, бидејќи сѐ што ви треба се дрвата исцепени на делови и вашата имагинација, желба и трпение. Времето за редење на дрвата на ваков начин секако ќе ви одземи малку повеќе време од она кое вообичаено го трошите, но верувајте вреди да се потрудите оваа есен малку повеќе околу оваа работа, бидејќи на крајот ќе имате врвно и уникатно уметничко дело во вашиот двор.
Како што ќе одминува зимата со секое изгорено дрво и вашето дело ќе ја губи првобитната форма, но затоа пак ако одлучите, можете да креирате и трајни дрвени предмети кои ќе го украсуваат домот.

Фотографиите кои следат во продолжение на статијата се само уште еден доказ дека креативниот ум од едноставни и навидум не толку значајни нешта може да создаде врвни уметнички дела.
За некои луѓе ова ќе изгледа како сосема бесмислена и некорисна работа, но за оние кои сакаат уметнички да се изразат на некој начин и сакаат да внесат новина во нивните животи, овие идеи се добредојдени.

Погледнете ги внимателно фотографиите и во нив најдете инспирација за вашите дрва за огрев. Наредете ги како некој од примерите на фотографиите, или по сопствена желба и оваа есен бидете посебни и имајте уникатно декориран двор.