Занимливост, Убави нешта
Лотосовиот центар – прекрасен спој на убавото и корисното
Лотосовиот центар во Вуиџин, Кина, е вистински бисер на архитектурата, градба инспирирана од природата, составена од три одделни зданија кои ги претставуваат трите фази од цветањето на лотосот.
Сместен во срцето на градот на сред вештачко езеро, Лотосовиот центар е замислен како културно сидро каде ќе се одржуваат изложби, а трите градби се опремени и со прекрасни конференциски сали.
Ливчињата на лотосот се направени од нерѓосувачки челични плочи, а градбата е во служба на природата и заштедата на енергија. 2 500 термални цевки се поставени во земјата под вештачкото езеро со што се овозможува полесно ладење во лето и затоплување во зима.
Архитектите навистина се потрудиле па му дале печат и на самото влегувањето во некоја од градбите. Имено, за да влезете во некоја од лотосовите градби мора да поминете низ тунелот кој се наоѓа под вода.
Во вечерните часови лотосот добива сосема нов лик благодарение на системот за осветлување кој менува различни бои на секои 30 секунди.
Лотосовата градба е спој на убавото и корисното, дело создадено со многу внимание и љубов со цел да послужи како инспирација за идни проекти кои ќе разубавуваат, но и ќе донесат нешто корисно.
Додади коментар