Што гледате на оваа фотографија?
На прв поглед наликува на древен храм, но оваа интересна градба е направена од 17 танчери и циркуски уметници.
Креатор на ова дело е 34 годишната Тина Мери, уметник од Њујорк, позната по своите скулптури од обоени човечки тела.
Телата на танчерите се обоени со боја која не е штетна по здравјето, обојувањето траело цели 9 часа, а потоа на Трина ѝ биле потребни само 30 минути да ја осмисли сложувалката од човечки тела и да ги организира во форма на храм.
Скулптурата не е инспирирана од некоја конкретна религија и воопшто нема религиско значење.
Целта на Трина била да придонесе во борбата за подобар живот на жените и девојките од Непал, па ова уметничко дело е создадено како дел од организацијата „Надвор од четирите ѕида”.
Зошто токму Непал? Бидејќи тоа е единствената земја во светот каде жените живеат многу пократко од мажите, девојчињата се мажат на 9 годишна возраст, принудени се да работат од мали и им се даваат најтешките работни задачи.
Организацијата „Надвор од четирите ѕида” отвора интернет кафулиња ширум Непал и им овозможува на младите девојки да работат, а истовремено и да се стекнат со образование преку интернет. На тој начин им се овозможуваат подобри услови за живот и посигурна иднина.
Прекрасната скулптура е само дел од многуте скулптури на талентираната Трина која смета дека уметноста создадена од живи човечки суштества најдобро допира до луѓето и претставува посебно искуство за уметникот, но и за оние кои имаат можност да уживаат во ваквиот вид уметност.
Додади коментар