Здравата и правилна исхрана е неопходна за нормално функционирање на организмот и одржување на доброто здравје.

Клучот за здрава и балансирана исхрана се крие во неколку едноставни совети кои ќе нè поттикнат, но и ќе нè потсетат на она што можеби сме го знаеле, а сепак не го применуваме кога исхраната е во прашање.

Баланс меѓу калориите и дневните активности

Иако е тешко да се внимава на бројот на калории кои секојдневно ги внесуваме, добро е да се води сметка за следното: Јадете онолку колку што трошите, односно, ако не сте доволно активни во текот не денот, не ви е потребна ни голема количина храна.
Во просек, на возрасен маж му се потребни околу 2.500 калории дневно, а на возрасна жена околу 2000.

Колку калории внесувате вие? Можеби следната листа ќе ви помогне да направите приближна проценка.

Незаситени масти

На секој организам му се потребни масти, но заситените масти се многу штетни за срцето и го покачуваат нивото на холестерол. Обидете се да избегнувате храна која содржи заситени масти, особено биено сирење, колачи, колбаси, павлака, путер, маст и пити. За разлика од нив, растителната храна и рибата содржат незаситени масти кои се корисни за организмот.

Сол и шеќер

Иако се потребни во исхраната, не претерувајте со премногу солена или блага храна. Повеќе од 15гр. шеќер во 100 гр. храна е храна со високо ниво на шеќер, а повеќе од 1.5 гр. сол во 100 гр. храна значи високо ниво на сол.
Поголем дел од храната која секојдневно ја внесуваме во организмот во себе веќе содржи одредено количество на сол или шеќер, па секое додавање може да доведе до надминување на она што значи здрава храна.

Кога еднаш ќе почнете да водите сметка на начинот на исхрана, постепено ќе стекнете навика да се храните здрави и ќе обрнувате повеќе внимание на видот и количината на храната која ја внесувате.

Здравите навики не се стекнуваат лесно, но вреди да се потрудите бидејќи користа од нив е непроценлива.