Занимливост, Интересно
Зошто токму 1 Мај е ден на трудот?
Сите го празнуваме 1 Мај како ден на трудот и традиционално на овој ден одиме на ливада, каде во добро друштво, со музика и скара го одбележуваме денот на работниците. Малку чуден начин да се одбележи овој ден нели?
Дали некогаш сте се запрашале како всушност започна празнувањето на овој ден?
Сè започна во далечната 1886 година, во Чикаго, кога работниците излегоа на штрајк барајќи да се воведе 8 часовно работно време. Демонстрациите низ Чикаго завршија со брутални напади на полицијата, а дел од демонстрантите беа убиени.
Токму во нивна чест, преку 80 земји во светот го слават Меѓународниот ден на трудот како државен празник, а многу други земји го одбележуваат, иако не им е официјален празник.
Интересно е што САД и Канада не го слават 1 Мај, со цел да го избегнат сеќавањето на бруталниот однос на полицијата и трагичниот развој на демонстрациите во Чикаго.
1 Мај е ден кога работниците треба да го дигнат својот глас против економската нееднаквост и големиот јаз меѓу богатите и сиромашните.
На сите вредни луѓе кои чесно си го заработуваат парчето леб им посакуваме среќен празник!
Додади коментар