14 Септември
Во 1983 година во Лондон, во Англија, е родена познатата пејачка Ејми Вајнхаус.
Вајнхаус влегла во музичкиот бизнис на возраст од 16 години, кога еден нејзин соученик ја покажал во јавноста нејзината демо лента, на која биле снимени голем број препеани песни кои Вајнхаус ги снимала во слободното време.
Откако музичките продуценти го слушнале нејзиниот глас веднаш и понудиле соработка и така Ејми го потпиша својот прв музички договор, најпрво како џез вокалист, а нејзината музика подоцна процвета во еклектичен микс на џез, поп, соул и R & B.
Вајнхаус освои пет Греми награди за нејзиниот албум од 2006 година „Back to Black”, и заработи признанија за песните „Rehab”, „Back to Black” и „Valerie”.
Вајнхаус трагично загина на 23 јули, 2011 година, на возраст од 27 години од случајно труење со алкохол.
Денес се потсетуваме на музиката на Ејми Вајнхаус.
Додади коментар