6 нешта кои мислевте дека ги знаете за Шпанија
Шпанија, земјата на флеменгото, убавите црнокоси жени, борбите со бикови...
Нашата претстава за оваа прекрасна земја е токму таква, па кога ќе се спомне Шпанија првата асоцијација ни е коридата и надалеку познатото фламенго.
Сите Шпанци танцуваат фламенго? Не би рекле, бидејќи овој танц е карактеристичен за јужниот дел на земјата, и не сите Шпанци знаат да танцуваат фламенго. Различните делови од Шпанија имаат свои домородни танци различни од фламенгото, но бидејќи не се толку популарни светот има впечаток дека сите Шпанци знаат и танцуваат фламенго. Всушност, фламенгото е многу тежок и специфичен танц и потребно е доста време и енергија за да се научи.
Сангријата е многу вкусен пијалак направен од свежо овошје и вино и потекнува од Шпанија, но Шпанците повеќе сакаат пиво и вино, а сангријата најчесто ја пијат туристите.
Дали знаевте дека борбата со бикови, колку и да е карактеристична за Шпанија, всушност и не е толку сакана ширум земјата? Многу здруженија во Шпанија се борат против традицијата на борба со бикови, а во некои делови од земјата, особено во Каталонија, борбата со бикови е забранета.
Иако се мисли дека Шпанците се многу религиозни и редовно одат на миса, статистиката покажува дека само 13 % од населението е длабоко посветено на религијата и одењето во црква.
Бидејќи Шпанците знаат добро да се забавуваат, честопати се мисли дека се мрзливи, дека работат малку, спијат до доцна и се забавуваат по цела ноќ. Вистината е малку поинаква. Шпанците имаат многу празници и знаат да уживаат во истите, но немаат време за постојано танцување и забава.
Сонце, море, прекрасни плажи... Мислите дека Шпанија е рај? Летата се премногу топли и долги, а зимите студени, особено во северниот дел на Шпанија. Некои делови од Шпанија честопати се подложени на дождови дури и во летните месеци.
Додади коментар