Чудотворната моќ на Света Ана

07 август, 06:00

Денес се празнува успение на Света Ана, мајката на Пресвета Богородица Марија. По тој повод христијаните од цела Македонија го посетуваат манастирскиот комплекс посветен на Света Ана во село Маловишта, Битола, кое е единствено во рамките на Националниот Парк Пелистер.
Манастирскиот комплекс се наоѓа на 1400 метри надморска височина, на околу 2км оддалеченост од селото Маловишта, во густа букова шума. Комплексот може да угости голем број посетители со своите конаци,  да ги „почести“ со чист планински воздух и ладна и свежа планинска вода од многубројните извори.
Постои верување поврзано со манастирот Света Ана кое вели дека манастирот има чудотворна моќ да дава пород. Брачните парови кои имаат проблеми со формирањето на семејство, на  6–ти наспроти 7–ми август треба да преспијат во просториите на црквата Света Ана. А таа ќе ги слушне и исполни нивните молитви и ќе ги успокои и израдува нивните души.
Мештаните раскажуваат за многу брачни парови кои немале деца, но по посетата на манастирот добиле пород и благодарни, секогаш доаѓале на славата на манастирот.
Во близина на манастирот има и лековита вода што извира од коренот на една бука и тука е од памтивек.
Посетете го манастирскиот комплекс Света Ана во Маловишта и почувствувајте го мирот што ќе завладее во вашите души...

 


автор: Stojanovska Elena

Оваа вест е прочитана 42385 пати.

Коментари [0]

Додади коментар


Безбедносен Код:
Security Image  Освежи

Коментар


ПОПУЛАРНО

НА ДЕНЕШЕН ДЕН

28 Мај

28 Мај
Во 1968 година во Мелбурн, Австралија, е родена мега популарната пејачка Кајли Миног, која пред да почне да се занимава со музика беше омилена ТВ актерка која се појавуваше во разни серии и филмови.
© 2020 МОЈ ПОРТАЛ  Сите права се заштитени.   изработено од Асидус