Заедно да ја зачуваме природната средина
Секоја година, на 5 јуни светот го празнува Светскиот ден за заштита на природната средина.
Ова е еден од најмасовните настани на Планетата во кој учество земаат сè поголем број луѓе и организации низ целиот свет.
Светскиот ден за заштита на природната средина е ден на акција, ден кога човештвото се обидува да направи нешто добро и корисно, со цел да ја зачува нашата планета, за нас и за идните генерации.
Секоја година овој ден има земја – домаќин, а и мото под кое се одбележува.
Годинава домаќин е Монголија, а мотото на овој светски ден е Think.Eat.Save (Мисли.Јади.Зачувај).
Одбележувањето на денот на природната средина годинава е посветен на непотребното трошење и уништување на храната.
Додека милиони луѓе ширум светот гладуваат, една третина од храната која се одгледува на нашата планета никогаш не стигнува до потрошувачите и едноставно се уништува, иако за нејзиното производство се трошат огромни количини на енергија и вода, како и работна сила.
Целта на кампањата Мисли.Јади.Зачувај е да ја подигне свеста на човештвото и да нè поттикне сите нас да најдеме начин за намалување на непотребното трошење и уништување на храната.
Секој може да придонесе,тргнувајќи од своето семејство и својот дом.
Гледајќи на глобално ниво, можеби вашиот напор да придонесете ви изгледа безначаен, но секој еден поединец кој ќе направи нешто корисно за човештвото, е навистина важна алка во синџирот на доброто.
Мисли.Јади.Зачувај ја Планетата за себе и идните генерации!
Дознај како можеш да придонесеш на http://www.thinkeatsave.org/
Коментари [1]
Tajnapreubavo
Додади коментар