Зелениот дел од пченицата изгледа толку убаво и свежо, па можеби затоа претставува прекрасен украс, а воедно внесува и посебна свежина во домот.

Прв пат видов ваква чинија со пченица кај моите пријатели католици, кои токму за католичкиот Божиќ ја ставаат на масата. Не го знам значењето на пченицата поврзано со Божиќ, но и не мора да има некое посебно значење за да ја разубавите Божиќната трпеза.

Може дури да се направи и за Велигден бидејќи одлично ќе се вклопи во велигденското шаренило, јајцата, пилињата и зајачињата.

Подготовка:

На пченицата ѝ е потребно некое време за да порасне, затоа направете ја барем 20-на дена пред Божиќ. Ако премногу нарасне, едноставно истрижете ја со ножичка.

Во садот во кој сакате да израсне ставете малку земја (може и вата, но поради влагата вагата лошо ќе мириса).

Ставете ги зрната пченица над земјата и залејте ги со вода. Садот чувајте го на светло и топло место и на неколку дена залевајте ги зрната, но не претерувајте со водата бидејќи пченицата може да фати мувла.

Ќе забележите како почнува да ‘рти, потоа ќе расте зелениот дел и најпосле ќе имате прекрасна декоративна пченица.