Една многу ладна зима во десет членото семејство на тригодишното девојче Марија огништето згаснало, нејзината мајка немала повеќе чкорчиња. Мајката го замолила девојчето да отиде до кај дедото Арсо кој живеел до нив и да ѝ даде неколку жарчиња, но немала лопатче за да ѝ го олесни носењето. Девојчето веднаш истрчало кај дедото.

„Дедичко, мајка ми ме испрати да ми дадеш неколку жарчиња.“

„Зошто ви се жарчињата?“- прашал дедото.

„Не ни останале жарчиња во огништето, а мајка ми немаше ни чкорчиња за да го запали огнот.“ - одговорило девојчето.

„А како да ти дадам жарчиња кога немаш ни лопатче?!“

„Дедичко јас ќе ги спојам дланките, а ти ќе ставиш малку пепел на нив, а на пепелта ќе ги ставиш жарчињата, така нема да ми жежи.“

Дедото зачуден од тоа што го слушнал, се насмевнал и го услужил малото девојче.

Запомнете: Учиме додека сме живи. Дури и од три годишно детенце можете да научите нешто ново.