Животен стил, Кујна, Рецепти
Гибаница од домашни кори (јуфки)
Топла, вкусна, одлична за неделниот појадок или вечера. Доколку немате домашни кори може да купите т.н. јуфки, но вкусот на домашните кори е незаменлив.
Состојки:
кори ( за 2 лица доволна е една длабока чинија за супа убаво наполнета со кори)
2-3 јајца
1 шолја јогурт
малку сирење
Подготовка:
Корите ставете ги во зовриена вода со малку сол малку да се подварат, колку да омекнат.
Во длабок сад со виљушка изматете ги јајцата, додадете го јогуртот и издробете го сирењето. Исцедените кори додадете ги во оваа смеса и убаво промешајте.
Тавата за печење премачкајте го со масло или маргарин, ставете ја смесата од кори и јајца и ставете ја во рерна. Оставете убаво да изврие, а горниот слој кори да добие убава боја и крцкава кора.
Гибаницата исечете ја на парчиња и послужете ја со павлака или шолја јогурт.
Добар апетит!
Додади коментар