По повод „Денот на вештерките”, американскиот скулптор Ray Villafane изработи неверојатни, но во ист момент и застрашувачки скулптури од тиква.

„Денот на вештерките” е празник што се прославува на последниот ден од октомври, а кој има свои корени во средновековни ритуали на собирање на плодовите од полињата и паганскиот фестивал на славење на  мртвите.

Во модерните времиња, особено во земјите со англиско говорно подрачје, децата и сé поголем број возрасни лица се маскираат во модерни и понекогаш страшни костуми, како духови, пајаци и слично, во името на добра забава.

Токму тиквата е плодот кој најмногу е користен за овој празник, па затоа во прилог ви предлагаме да ги погледнете исклучителните скулптури на Ray Villafane.

Можеби и кај вас ќе се роди идеја за обликување на тиква баш за овој ден.