Коктел фустанот е безвременско парче облека кое секоја жена мора да го има. 

Неговите почетоци датираат од периодот по Првата Светска Војна, кога социјалните промени довеле до раѓање на модерна и независна жена.

Во овој период жените почнале да излегуваат во клубови и да присуствуваат на приватни коктел забави.

20-те години на минатиот век се години на раѓањето на коктел фустанот, кој во тоа време бил доста конзервативен, со должина до глуждовите.

Во 1926 година Коко Шанел го лансирала својот црн коктел фустан, со што направила вистинска револуција во светот на модата.

Инспирирани од фустанот на Шанел, дизајнерите создавале прекрасни креации, безвременски коктел фустани кои ги носеле холивудските ѕвезди.

Незаборавната Одри Хепберн носеше прекрасни коктел фустани во Појадок кај Тифани

Грејс Кели во коктел фустан во филмот Rear Window на Хичкок

Во 40 години од минатиот век Кристијан Диор го именувал коктел фустанот како мал црн фустан, име кое се задржало до денес и кое е синоним за едноставен, женствен црн фустан создаден за вечерни излегувања.

Во 50-те години на минатиот век приказната за коктел фустаните сè уште била актуелна, но во овој период тие имаат должина до колената.

Коктел фустаните се актуелни и денес, ги има со различна боја, крој и должина и не ретко се дел од ревиите на најзвучните имиња во светот на модата.

Коктел фустан - венчаница

Каков е вашиот омилен коктел фустан?