Државата Египет, во која голем дел од територијата се состои од пустински предели и низ која минува реката Нил по чија долина се најплодните полиња, е една од најпосакуваните туристички дестинации. 

Ова парче земја е особено познато по владеењето на Клеопатра. Египет е сведок за почетоците на човештвото.

Неколку милиони туристи годишно го посетуваат Египет. Негови најзначајни знаменитости кои секој мора да ги посети се:

Пирамидите

Се наоѓаат во близина на градот Каиро. Пирамидите се вбројуваат во листата на 7-те светски чуда. Пирамидите се гробници на фараоните кои владееле со Египет. Начинот на кој се градени и нивната неколку вековна издржливост се феномен кој мора да се види.

Египетскиот музеј

Во Египетскиот музеј се наоѓа голема колекција на антиквитети од непроценлива вредност. Таму можете да ги видите 27-те кралски мумии и моштите на кралот Тутанкамон. Музејот се наоѓа во градот Каиро.

Долината на кралевите

Долината на кралевите во близина на Луксор претставува гробница на кралевите и благородниците од 16-ти до 11-ти век пред новата ера. Гробницата има 120 комори и може да се забележат фрески со кои се претставени сцени од историјата и митологијата. Боите на сликите сè уште се свежи. Само 60 од гробниците може да се посетат, меѓу кои и гробот на кралот Тут. 

Пловење по Нил

Реката Нил може да се каже дека е единствениот извор на живот за оваа земја. Кога ќе го посетите Египет дозволете си една убава прошетка по реката Нил на релација Луксор – Асуан. Додека пловите ќе можете да уживате во прекрасната природа околу вас.

Прекрасен подводен свет

Поради големата бистрина на морето можете да уживате во разновидниот воден свет. Во морето има околу 200 различни видови на водни животни. Одличните услови ќе ви овозможат незаборавно нуркање, а за помалку храбрите тука се бродовите со стаклен долен дел од каде може да уживате во подводниот морски свет.

Токму затоа милиони туристи го посетуваат овој туристички центар и секое лето се враќаат на египетските плажи.