Каде на одмор...
Улцин
Во пресрет на летото размислувајте каде да одите на одмор...
Не размислувајте и не двоумете се повеќе, бидејќи ви препорачуваме ова лето да го посетите Улцин.
Улцин е град кој се наоѓа во Црна Гора, на приближно 400 км од северната граница на нашата земја.
Располага со богато историско и културно минато, со убави песочни плажи од кои секако најпозната е „Големата Плажа“ со должина од 12 км. Всушност оваа „Голема Плажа“ е и најдолгата плажа во цела Црна Гора.
Уште една многу позната плажа, која вреди да се спомне во овај регион е „Ада Бојана“, бидејќи е препознатлива по беспрекорно чистата морска вода и ситната песок.
Морето во овај дел на Црна Гора, во Улцин, е збогатено со висока концентрација на јод, па тоа нека биде уште една причина повеќе за да отпатувате и да го посетите ова место.
Стариот град на Улцин со изглед на замок, е едно од многуте обележја на градот. Сместен на самиот врв на планината, која се наоѓа одма до градската плажа, претставува вистинска атракција за сите туристи, бидејќи нуди извонреден, неповторлив и незаборавен поглед кон беспрекорните широчини на морето...
Има многу да се пишува за Улцин, но чистотата и топлината на морската вода, долгите песочни плажи и љубезноста и гостопримството на жителите на овај град, нека бидат доволни причини, за да вие, ова лето отпатувате токму во Улцин и да доживеете еден незаборавен и несекојдневен одмор.
Секој од нас тоа и го заслужува, нели ?
Додади коментар