„Како да го добиете тоа што го сакате” е книга од Џозеф Марфи која е продолжение на неговата до сега најпопуларна и најчитана книга „Моќта на потсвеста”.

Книгата е еден вид на прирачник кој читателите ги води низ животот. Таа е напишана со цел секој кој ќе ја прочита да може да има и да си обезбеди подобар и посреќен живот.

Оваа книга учи како да се напредува во животот, открива мали, но во суштина големи животни тајни и во секој поглед го подобрува животот.

Оние кои ќе решат да ја прочитаат за многу кратко време треба да очекуваат позитивни промени најпрво во нив самите, а како резултат на тие внатрешни промени ќе следат и позитивни промени насекаде околу нив, бидејќи со сосема нови очи ќе гледаат кон животот и кон секојдневните случувања.

„Како да го добиете тоа што го сакате” е составена од тринаесет поглавја во кои големиот американски духовник Џозеф Марфи ги опишува општочовечките проблеми. Во најситни детали навлегува во нив, ги објаснува на убав и лесно разбирлив начин и дава корисни упатства со кои можат тие да се решат.

„Чудата на внатрешниот говор”, „Сменете го чувството за своето јас”, „Останете засекогаш млади”, „Како да ги привлечете парите”, „Исцелувачката моќ на љубовта” и останатите други поглавја, нека бидат мотив за да ја побарате уште денес оваа неверојатна книга, да ја прочитате и да очекувате позитивни промени во животот, кои верувајте за многу кратко време ќе почнете да ги забележувате.