Кога се работи за сопственото здравје компромиси не постојат. Потребата кожата да дише, а воедно да се заштити од сонце е причина зошто да продолжите со читање на оваа статија. 

Сте се запрашале ли што содржат кремите за сончање кои ги купувате од продавница? Во зависност од цената и составот се прилагодува. Верувајте, ништо не е подобро од она што сами ќе го подготвите. 

Крема за заштита на кожата од пчелин восок

Состојки:

• ½ чаша бадемово или маслиново масло
• ¼ чаша кокосово масло
• ¼ чаша пчелин восок
• 2 лажици цинк оксид
• 2 лажици Karite путер
• етерични масла или екстракт од ванила 

Подготовка:

Во сад со дупло дно поставен над пареа ставете ги маслата, восокот и путерот. Откако ќе се растопат и ќе се соединат се остава да се излади смесата, по што се додава цинк оксид. Внимавајте да не вдишите од цинк оксидот. Се меша додека да се соедини смесата. 
Се користи како и другите средства за сончање и тоа во период не подолг од 6 месеци.

Крема за сончање со алое вера

Состојки:

• ½ чаша чист гел од алое вера
• 20 капки масло од семки од морков
• 5 лажици масло од пченични никулци
• 1 лажица масло од коноп
• 5 капки масло од лаванда

Подготовка:

Сите состојки се мешаат заедно, по што пред употреба треба да се протресе целата смеса. 

Каде и да одите ова лето, понесете природна крема за сончање и внимавајте на силните УВЕ зраци.