Колку и да им се воодушевуваме на неверојатно убавите креации на звучните модни куќи, не можеме а да не се запрашаме зошто креациите на високата мода се толку скапи.

Која е вистинската вредност на еден фустан од Диор кој чини 30 000 долари?

Дали цената доаѓа сама по себе бидејќи Диор е Диор, или пак секоја креација има своја приказна која ја оправдува високата цена?

Видеото кое го објави Диор раскажува токму една таква приказна, вистинска бајка за раѓањето на една креација на високата мода.

Прекрасниот фустан на Диор од 1949 година неодамна доби своја минијатурна копија, направена во работилница на Диор во Париз.

На видеото се прикажани сите фази од рачната изработка, изработката на сите видови цветови потребни за креацијата и нивното поврзување во една целина за да се добие овој фустан од бајките.

Можеби не секоја дизајнерска креација има реална цена, но овој фустан на Диор и тоа како ја заслужува својата.