Книгата ја читав одамна и на добар дел од неа не се сеќавам јасно, но она на што се сеќавам е неверојатното чувство кое ме обземаше додека ја читав.

„Тајната на Шамбала” е прекрасно дело за сите вљубеници во пишаниот збор, книга полна мудрости и духовни богатства.

Романот ќе ве поведе на едно незаборавно патување во потрага по тибетанската легенда за Шамбала, таинствениот рај на Земјата, место на спокојот, мудроста и духовноста.

Иако никој не го потврдил нејзиното постоење, Шамбала се среќава во повеќето светски религии и сите тие ја сметаат за центар на духовноста на Земјата.

„Тајната на Шамбала” ќе ве научи многу нешта, ќе ве врати кон духовноста на која сите некако сме подзаборавиле, ќе ве збогати со мудрост и во вас ќе оживее многу моќни вистини.

Романот е дело на Џејмс Редфилд, автор на исто толку познатите и одлични „Целестинското пророштво” и „Десеттиот увид”.