Мали нешта кои ќе ви го разубават работното место
Канцеларијата е место каде поминувате голем дел од денот. Без оглед на тоа што работите, дали канцеларијата е голема или мала, дали ја делите со колеги или не, таа треба да биде пријатно катче каде ќе се чувствувате убаво и опуштено, дури и во моментите кога имате премногу работа.
Иако не можете да преземете ништо околу мебелот и изгледот на работното место, некои ситници може да направат вистински чуда.
Уште со првото, утринско влегување во канцеларија, погледот на некои предмети може да ви пробуди насмевка, а тоа е одличен почеток на денот.
Подарете си себеси малечок украс – слонче и ставете го на работното биро. Слончето симболизира среќа и успех, а погледот на него секој ден ќе ве асоцира на нешто позитивно и убаво.
Бирото разубавете го со слики од најмилите и со некои ситници кои ви причинуваат задоволство.
Доколку работите на компјутер, во канцеларијата мора да имате цвеќе кое ќе го собира штетното зрачење. Најдобро е да го ставите до компјутерот, а може да изберете меѓу бамбус и спатифилум, и двете изгледаат убаво и ќе ѝ дадат посебна свежина на канцеларијата.
Празниците се одлична можност да го разубавите вашето работно место. Не пропуштајте да ја украсите канцеларијата за Божиќните и Велигденските празници, доволни се само неколку мали детаљи кои ќе ве расположат и ќе ја разбијат монотонијата на просторот.
Малите нешта значат многу, влијаат позитивно на нашето расположение, мотивираат, разубавуваат.
Бидете оригинални, разубавете го работното место по ваш вкус, за секој работен ден да ви започне со насмевка.
Додади коментар