Основниот суд во Амстердам го разреши судскиот спор помеѓу Nokia и HTC со судска забрана за HTC One да употребува делови за микрофон од STMicroelectronics за своите мобилни телефони.

Портпаролот на Nokia изјави: „HTC One во своите рекламни материјали тврди дека главна карактеристика на нивниот HTC One е HDR микрофонот“, но инженерите на Nokia при испитувањето на HTC One открија дека овие делови се HAAC технологија, развиена специјално за употреба во производите на Nokia, а за коишто STMicro има потпишано со Nokia договор за ексклузивност.

Глобалната забрана ќе трае една година, што дополнително го одложува лансирањето на водечкиот модел HTC One, по проблемите со набавување на делови за камера.

HTC One моделот беше планиран како водечки уред што ќе ги обнови приходите на HTC, но веќе потфрли на неколку пазари поради Samsung на Јужна Кореја којашто има поголема дистрибуција.