Моите рецепти - Здравје на мени
Леб со ‘ржано интегрално брашно и пченично интегрално брашно
Потребни состојки:
500 гр. ′ржано интегрално брашно
300 гр. интегрално пченично брашно
20 гр. свеж квасец
1 кафена лажичка сол
350 - 400 мл. млака вода за замесување
Подготовка:
Квасецот по ваша желба може да го ставите да нарасне со малку вода, сол, шеќер и брашно, или само да го растопите во млаката вода со која ќе го замесувате тестото бидејќи крајниот резултат е ист.
Во подлабок сад се става брашното во кое се става солта и квасецот и се замесува со водата средно меко тесто. Тестото се покрива со крпа и се остава на топло да го зголеми својот волумен. Кога двојно ќе нарасне се премесува со лесни движења и се формира векна која се става на набрашнет плех. Рерната се вклучува да се загрее на 220°Ц и за тоа време непечениот леб се покрива пак со крпа и се остава на топло да нарасне само додека не се загрее рерната. Потоа се става да се пече 30 – 40 мин. според тоа дали сакате покрцкава кора или не.
Ова е прекрасен леб кој одлично одговара со салата од свеж зеленчук, и уште нешто, овој леб не претставува опасност за вашата телесна тежина, јадете, секако во оптимална количина и во правилно време и тој за вас не ќе претставува ништо друго освен здравје на мени.
Додади коментар