Светскиот бестселер „Моќта на потсвеста” од Џозеф Марфи е книга која секој би требало да ја има во својот дом. 

Едноставноста и вистинитоста на зборовите кои се употребени во книгата е тешко да се паметат, па затоа е добро, понекогаш, од време на време, да ја отвориме книгата и да се потсетиме на нив и на нивното големо значење.

Низ многу едноставни примери Џозеф Марфи успева да ја долови смислата на книгата - како да научиме да ја контролираме нашата потсвест.

Зборовите напишани во „Моќта на потсвеста” имаат моќ да допрат до секој читател,  имаат моќ да направат позитивни промени во животот, имаат моќ да направат чуда.

Доколку научиме да ја препознаеме и ослободиме скриената моќ на сопствената потсвест, во својот живот ќе внесеме сила, богатство, здравје, среќа и задоволство. 

Па нели секој од нас ги посакува овие работи? Нели секој од нас се стреми кон остварување на своите идеали и цели?

„Моќта на потсвеста” ќе ви даде одговори на многу прашања, ќе ви биде патоказ во животот и ќе ве научи дека вашата потсвест може да ви одговори на сите ваши барања. Сé што вие треба да направите е само да побарате од потсвеста она што ви треба и верувајте таа ќе ги исполни сите ваши барања.