Занимливост, Убави нешта

Москва, градот на катедралите со шарени куполи

24 октомври, 07:11

Москва, градот на династијата Романови, домот на преку 300 цркви и катедрали, нуди многу нешта кои создаваат незаборавни спомени.

Ако сте посакале да го посетите овој прекрасен град со богата и долга историја, еве можност да видите дел од знаменитостите и да уживате во неверојатната убавина на катедралите со црвени тули и шаренолики куполи кои го одземаат здивот.

Уживајте во прошетката низ Москва!

 

Црвениот плоштад

moskva, katedrali, москва, катедрали, болшој, кремљ, црвен плоштад

Преку 500 години во срцето на Москва лежи Црвениот плоштад, место толку познато и значајно што се смета не само за центар на Москва, туку и за центар на Русија.
Градбите околу плоштадот сведочат за историјата и раскажуваат легенди.
Токму овде е прекрасната катедрала посветена на Свети Василиј Блажениот, прекрасниот Мавзолеј на Ленин, како и многубројните цркви на Кремљ.

Катедралата на Свети Василиј Блажениот

moskva, katedrali, москва, катедрали, болшој, кремљ, црвен плоштад

Прекрасното здание е изградено во далечната 1561, на барање на Иван Грозни, како сведоштво за неговите воени походи. Во почетокот биле изградени 8 капели, а подоцна е додадена и деветтата како вечно почивалиште на Василиј Блажениот, по кој го носи и името.
Катедралата, со своите црвени тули и прекрасните шарени куполи, наликува на волшебен замок од приказните.

Театарот Болшој

moskva, katedrali, москва, катедрали, болшој, кремљ, црвен плоштад

moskva, katedrali, москва, катедрали, болшој, кремљ, црвен плоштад

Првично изграден во 1776, театарот неколку пати бил зафатен од пожар и повторно реставриран. Болшој е еден од најстарите театри во светот, дом на операта и балетот, место каде се изведуваат делата на најголемите композитори на сите времиња.

Новодевичкиот манастир

moskva, katedrali, москва, катедрали, болшој, кремљ, црвен плоштад

Изграден во 1524 година, манастирот првенствено бил користен како тврдина, а бил достапен само за жените од царското семејство. Посветен е на Пресвета Богородица која се сметала за заштитник на Русија.
Дел од манастирот денес е достапен за посетители кои може да уживаат во убавината не некои од највредните иконостаси во светот, сместени токму во Новодевичкиот манастир.
Од 2004 година импозантното здание е под заштита на УНЕСКО.

Катедралата на Христос Спасителот

moskva, katedrali, москва, катедрали, болшој, кремљ, црвен плоштад

Со својата висина од 103 метри, Катедралата на Христос Спасителот е највисокиот христијански објект на Земјата. Внатрешните ѕидови се обложени со ретки видови на мермер, гранит и скапоцени камења, а токму златната купола на оваа катедрала е првата во светот позлатена со новата техника на позлатување која се користи и денес.

 


автор: Stojanovska Elena

Оваа вест е прочитана 3423 пати.

Коментари [0]

Додади коментар


Безбедносен Код:
Security Image  Освежи

Коментар


© 2022 МОЈ ПОРТАЛ  Сите права се заштитени.   изработено од Асидус