Занимливост, Интересно
Најновиот Гинисов рекорд
Страниците на Гинисовата книга со рекорди постојано се пополнуваат, а најновиот запис ќе биде рекордот на црвенокосите.
Имено, пред неколку дена во Портланд се одржа собир на 1 600 природно црвенокоси девојки и момчиња кои се собраа на едно место за да се запишат во Гинисовата книга.
Последниот ваков рекорд го држеше толпата од 1 225 црвенокоси луѓе од Холандија.
Црвенокосите луѓе од државата Орегон го преплавија градот Портланд. Со себе носеа и фотографија од детството, со цел да докажат дека се природно црвенокоси.
На Гинисовиот тим ќе му бидат потребни неколку месеци да ги обработи податоците и да ја потврди веродостојноста на црвенокосите.
Настанот беше организиран и со цел да се соберат средства за Фондацијата за рак на кожата. Токму луѓето со светла боја на кожата и косата се најмногу изложени на ризик од оваа болест.
Додади коментар