Здравје, Здрави навики

Неговото Височество – Витаминот Д

03 јули, 06:37

Витамините се неопходни за правилно функционирање на организмот и добро здравје.

Ги внесуваме најчесто преку исхраната, за разлика од витаминот Д кој нашиот организам го зема и од сонцето.

Иако на сите ни е достапен, голем дел од луѓето имаат недостаток на овој и тоа како драгоцен витамин.

Ако со еден витамин може да се зајакне имунитетот, косата, да се регулира високиот крвен притисок, да се намали ризикот од рак, депресија и срцев удар, тоа може да се постигне единствено со витаминот Д, кој не случајно го издвоивме од другите.

За што сè помага?

Го намалува ризикот од рак на дојка, помага за намалување на туморот кај оние кои веќе боледуваат од овај карцином.
Го намалува ризикот од дијабетес 2, особено во комбинација со калциум.
Штити од настинки и грип, го намалува ризикот од болести на дишните патишта.
Ги штити и негува непцата, намалувајќи го ризикот од парадентоза.
Ја ублажува и лекува депресијата.
Ја штити кожата, правејќи ја сјајна и еластична.
Ги намалува нападите на асма.

Секојдневното изложување на сонце во периодите кога зрачењето е помало ( наутро и по 17 часот) е најдобриот начин да внесете доволно количество на овој драгоцен витамин, кој природата несебично го дава.

Ваше е само да најдете време за прошетка на сонце и да внесете дневна доза здравје во своето тело.