Перу е дом на најголемите светски тропски глечери. Постоењето на овие глечери е од огромно значење за населението на Перу, бидејќи токму овие глечери му се најважниот извор на вода.

За жал, голем дел од Перуанските глечери кои се на помала надморска висина делумно или целосно исчезнале.

Она што загрижува е топењето и повлекувањето на Quelccaya Ice Cap, најголемиот светски глечер.

Quelccaya Ice Cap е вистинска ризница на податоци за најголемите природни феномени Ел Нињо и Ла Ниња – две променливи струи во тропскиот дел на Пацификот. Топлата и ладната струја предизвикуваат драстични климатски промени и токму Ел Нињо и Ла Ниња се причина за екстремните суши и поројните дождови во одредени делови од светот.

Намалувањето на глечерот значи и губење на драгоцените податоци за овие природни феномени, но и губење на драгоцената вода за жителите на Перу.

Истражувачите од Државниот универзитет во Охајо се загрижени поради брзината со која глечерот се повлекува.
Ако пред 6000 години глечерот се повлекуваше за 300 метри на секои 1 600 години, денес се повлекува за 300 метри на 25 години.

Ќе исчезне ли најголемиот светски глечер?

Научниците постојано предупредуваат на последиците од глобалното затоплување, но светот останува глув на нивните предупредувања. Човековата негрижа и прекумерната експлоатација на природата ќе значи суша, глад и сиромаштија за идните генерации.

Можеби еден ден човештвото ќе се разбуди и ќе преземе сериозни мерки за зачувување на Планетата Земја. Прашањето е дали тогаш ќе биде премногу доцна?