Брановите во Нов Зеланд исфрлија порака во шише стара цели 76 години.

Пораката ја пронашол Џеф Флод кој случајно се шетал по плажата.

Додека ја читал пораката: „На море. Се моли оној кој ќе ја најде оваа порака да ја прати на наведената адреса ”, Џеф одлучил да ги пронајде луѓето за кои била наменета.

Пораката била пратена од Х. Хилбрик, кој шишето го фрлил од брод со кој патувал, а починал неколку години по праќањето на пораката. По 76 години, пораката конечно стигна до неговиот внук Питер Холбрик, кој живее во Перт, Австралија.

Пораката во шише има големо значење за Питер кој никогаш не го запознал својот дедо, таа е чудесен дар од морето по кое некогаш пловеле неговите предци.