Пилатес е иновативен и безбеден систем на вежби на телото и умот. Вежбите се именувани по нивниот основач, Џозеф Пилатес, кој уште кон крајот на 19-ти век започнал со нивна примена и ги почувствувал позитивните ефекти врз телото.

Системот на вежби го трансформира изгледот на телото, му дава цврстина и грациозност, го намалува и зацврстува стомакот, а помага и во намалување на болките во грбот. При изведба на вежбите се води сметка за квалитетот на движењата, затоа вежбањето е тесно поврзано со умот, односно, при вежбање ментално се фокусираме на секое движење.

Без оглед на возраста и здравствената состојба, овој систем на вежби позитивно влијае врз телото и не случајно го сметаат за пат до поздрав начин на живот.