Животен стил, Кујна, Рецепти
Посен ароматичен колач
Рецептот за овој колач е комбинација од еден стар рецепт за фанурија и рецепт за турте.
Комбинацијата на портокал, цимет, ванила и суво грозје му даваат посебен вкус, па во исто време ќе имате нешто вкусно, а сепак посно за последните денови од постот.
Добар апетит!
Состојки:
1 кгр. брашно
2 квасци
1 шолја шеќер
1 до 1 ½ филџанче масло
1 шолја вода (многу топла, речиси зовриена)
½ лажиче сол
прашок за печиво
рендана кора од портокал
ванила
цимет
суво грозје
малку сода бикарбона (на врвот на лажичето)
Подготовка:
Од сите состојки се меси меко тесто (квасците прво да надојдат), се остава да надојди, уште еднаш се премесува и се остава повторно да надојди.
Потоа се става во тава за печење претходно намачкана со малку масло и набрашнета.
Одозгора се прават шари со виљушка, се попрскува со шеќер и се пече на 180 °Ц, околу 20 – 30 минути.
Додади коментар