Овој посен специјалитет е многу едноставен, лесно се подготвува, а вкусот е мммм....

Состојки:
2 тиквички
1 поголема главица кромид
магдонос
1 домат
 

Подготовка:
Излупените тиквички сечете ги на кругови. Исечкајте го кромидот и додадете му магдонос. Во тава за печење ставете ред тиквички. Посолете, ставете црн бибер и мешан сув зеленчук. Над редот тиквички додадете од кромидот и магдоносот. По желба може да додадете и сечкан лук.

Ставете нов ред тиквички, малку посолете, повторно ставете кромид. Кога ќе завршите со овие состојки, одозгора ставете кругови од домат. Додадете малку масло и малку вода (тиквичките ќе пуштат доста вода при печењето).

Тавата ставете ја во загреана рерна и оставете тиквичките убаво да омекнат, а доматот да се потпече.

Може да направите и мусака од тиквички, постапката е иста само што ќе додадете и запржено мелено месо, но не ви е потребно месо бидејќи и посната варијанта е неверојатно вкусна!

Уживајте во посната тава од тиквички!

Не пропуштајте да ги пробате неверојатните ќофтенца од тиквички и крем чорбата!