Поучни приказни

Игра на зборови

04 декември, 00:09

Еден ден еден слеп човек седел на скалите пред некоја зграда. Неговиот шешир бил на земја и до него на еден камен било потпрено едно парче картон на кое пишувало:

„Слеп сум, ве молам помогнете ми”.

Еден случаен минувач, кој по играта на случајноста бил експерт за реклами поминал покрај слепиот старец, застанал покрај него и погледнал колку парички имало во неговиот шешир. На негово големо разочарување забележал дека имало само неколку монети. Се наведнал да стави парички во шеширот и без да побара дозвола од слепиот старец го зел парчето картон, го свртил на другата страна и напишал нешто.

Во текот на попладнето случајниот експерт за реклами намерно повторно поминал покрај старецот и овој пат на негова голема радост забележал дека шеширот на слепиот старец бил полн и со монети и со книжни пари.
Слепиот старец го препознал човекот по неговиот чекор и мирис и го прашал што е тоа што тој го напишал на картонот што него му донесло толку многу пари, кои се тие зборови кои успеале да допрат до срцата на сите минувачи и ги натерале да му остават парички во неговиот шешир?
Случајниот минувач се насмевнал и му одговорил:

„Не напишав никаква лага, само ја напишав твојата порака на малку поинаков начин” - го рекол тоа човекот и си заминал, а слепиот старец не дознал дека на неговото парче картон пишувало:

„Денес дојде пролетта ... а јас не можам да ја видам”.


Кога сѐ околу вас не се случува како што треба, кога сѐ ќе тргне наопаку, променете ја стратегијата на размислување и делување и ќе забележите дека порано или покасно сѐ ќе почне да се менува на подобро. Пробајте и уверете се.


автор: Jakimova Jasmina

Оваа вест е прочитана 2141 пати.

Коментари [0]

Додади коментар


Безбедносен Код:
Security Image  Освежи

Коментар


ПОПУЛАРНО

НА ДЕНЕШЕН ДЕН

29 јануари

29 јануари
Во 1845 година, во неделниот весник New York Evening Mirror, била објавена „Гавранот”, легендарната поема на Едгард Алан По.        
© 2022 МОЈ ПОРТАЛ  Сите права се заштитени.   изработено од Асидус