Животен стил, За неа, Убавина
Природни состојки за нега и убавина
Природните состојки се најдобри пријатели на убавината. Нивното користење ќе ви помогне да ги надминете недостатоците на кожата со кои се соочува секој од нас. Следете ги нашите едноставни совети и заборавете на скапите козметички препарати и третмани.
- Убави нокти
Не мора да одите на маникир за вашите нокти да бидат убави и бели. Сè што ви е потребно е четка и паста за заби (најдобро е пастата да содржи состојки за избелување). Истријте ги ноктите со пастата и резултатот ќе ве воодушеви! Истиот ефект се постигнува ако ги натопите ноктите во сок од лимон. Чувајте ги 5 – 10 минути, истријте ги и исплакнете ги.
- Темни кругови под очите
Компирот може да направи чудо за вашите очи. Исечете го на танки кругови кои ќе ги ставите на очните капаци. Оставете компирот да дејствува 15 – 20 минути, исплакнете го лицето и ставете крем. Повторете неколку пати неделно.
- Кожа без акни
Зрелите јагоди се вистински лек за акните. Згмечете неколку јагоди и нанесете ги на деловите од телото каде имате акни. Оставете да дејствува неколку минути, па исплакнете.
- За кожа без брчки
Наместо скапите кремови, обидете се со бело грозје без семки. Зрното поделете го на половина, па нежно здробете го на лицето и вратот. Оставете да дејствува 20 минути, исплакнете со вода и избришете ја кожата. Секојдневната употреба на овој природен борец против брчки ќе даде видливи резултати.
Додади коментар