Прочуените лондонски црвени говорници полека заминуваат во историјата
Црвените телефонски говорници во Лондон се едни од најпрепознатливите обележја на оваа светска метропола.
Речиси и да нема турист кој не го посетил Лондон, а да не направил некоја фотографија во црвените говорници.
Од вчера овие познати говорници ги има и во зелена боја. Станува збор за современи соларни говорници кои ќе служат како полначи за мобилни телефони, таблети, фото апарати и други направи.
Новите т.н. соларни говорници се изум на двајца штотуку дипломирани студенти при Лондонската школа за економија.
Опремени со соларни панели, новите говорници се извор на чиста карбон - неутрална енергија и се дел од проектот на градот Лондон за намалување на штетните емисии на карбон диоксид.
Во јануари се очекува поставување и на втората ваква говорница, а потоа и останатите црвени лондонски говорници полека ќе се заменуваат со новите соларни.
Соларните говорници ќе бидат достапни за бесплатно користење на сите граѓани и посетители на Лондон.
Додади коментар