Рецепти
Кинати пиперки – додаток за секое јадење
Време е за зимница! Мармалад од сливи, домашен сок, слатко од капинки, ајвар и туршија...
Домот постојано мириса на нешто слатко, солено или кисело.
Покрај традиционалниот ајвар, ви препорачуваме да подготвите кинати пиперки – одличен додаток за месо, кифлички или парче топол леб и сирење.
Оној кој пробал знае колку се вкусни!
Состојки:
5 кгр. печени пиперки
1 филџан шеќер
1 филџан винска киселина
3 филџани масло
неколку чешниња лук
сол по вкус
магдонос
Подготовка:
Излупените пиперки исчистете ги од семето и искинете ги на долги и тенки парчиња. Ставете ги во тенџере на оган и пржете ги околу 15 минути без масло, со повремено мешање.
Потоа додадете ги шеќерот и киселината и пржете околу 15 – 20 минути.
На крај додадете го маслото ( претходно загреано, да биде врело), сечканиот лук, сол по вкус и пржете уште половина час. При крајот на пржењето додадете и сечкан магдонос.
Се собираат топли, во топли тегли.
Совет:За да си ја олесните работата, кога ќе ги печете пиперките за ајвар, испечете ги и оние за кинати пиперки, па може да ги подготвите наредниот ден, кога ќе завршите со ајварот.
Доколку сакате да направите помала количина, сразмерно намалете ги сите состојки.
Додади коментар