Репортажи

Калишта – дом на ретка исцелителна икона

28 август, 04:11

Недалеку од Струга, јужно од селото Калишта се наоѓа прекрасниот манастирски комплекс Калишта – Пресвета Богородица.

Манастирот лежи на самото Охридско крајбрежје, кај хотелот Бисер, во прекрасен и природен карпест амбиент.

Централно место во комплексот има малата пештерска црква. Изградена е некаде во 14 век и претставува основа на целиот манастирски комплекс.

Оваа мала црквичка направена во карпа се состои од три монашки ќелии, две на долниот и една на горниот кат. Во секоја од ќелиите се влегува низ сосема мала и тесна врата, а и самите ќелии се мали простории полни со историја и духовност. Достапни се за посетители, па секој може да зачекори по стапките на монасите и да понесе дел од нивниот внатрешен мир.

pesterska crkva kalista, пештерска црква, калишта, струга

Во минатото во ќелиите престојувале многу учени луѓе и поети, меѓу кои и браќата Миладиновци.

Во комплексот е сместена и поголема црква, Рождество на Пресвета Богородица, која датира од 17 век, а во 1977 година била реновирана.

Манастирскиот комплекс Калишта плени со својата едноставност, мир и убавина. Од црквата посветена на Св. Петар и Павле извира лековита вода за која мештаните велат дека има голема исцелителна моќ.

свети петар и павле, калишта, kalista, sveti petar i pavle

Пред манастирскиот комплекс спокојно лежи Езерото, над манастирот гордо се издига карпата, спокојот се вгнездил насекаде, а манастирот чиниш раскажува за својата историја, за духовноста и за Мајката Божја.

Bogorodica vo crno, Kalista Токму овде, и на ни едно друго место во Македонија, е домот на единствената икона каде Мајката Божја е  насликана во црна облека и со црно лице, а и детето Исус е црно.

Позната како Богородица во црно, иконата е пронајдена во малата пештерска црква, а денес се чува во поголемата црква од комплексот.

Оваа икона е една од највредните во Македонија и се верува дека има неверојатна лековита моќ.

Иконите на кои Богородица е насликана со црна боја се  навистина ретки.

 

Во Европа има околу 450 вакви икони, и токму една од нив е сместена во манастирскиот комплекс Калишта.

Природата, опкружувањето, ретката икона на Богородица и можноста да се зачекори низ монашките ќелии му даваат посебна магија на целиот комплекс.

Калишта ве очекува да ѝ се помолите на Мајката Божја, а доколку не сте верници, тогаш барем да се насладите од убавината и спокојот на манастирскиот комплекс.

 

 


автор: Stojanovska Elena

Оваа вест е прочитана 30782 пати.

Коментари [4]

aleksandra

dali moze da mi kazete crkvata kaj vodata e Sv.Petar i Pavle, centralnata Sv.Bogorodica a taa do Sv.Bogorodica vo karpata e del od crkvata ili e i taa crkva so svetec?

moj portal

Александра, црквата со лековитата вода е Свети Петар и Павле, а малата пештерска црква каде била пронајдена иконата на Богородица во црно е исто така посветена на Рождеството на Пресвета Богородица како и централната. Всушност, малата пештерска црква е најстара, а подоцна била изградена новата и таму била префрлана иконата.

aleksandra

Blagodaram

Sonja

Pesterskata crkva na slikata e na 200m od drugite i se vo cest na Sv. Atanasie

Додади коментар


Безбедносен Код:
Security Image  Освежи

Коментар


НА ДЕНЕШЕН ДЕН

29 Март

29 Март
Во 1943 година е роден познатиот грчки композитор на електронска музика Евангелис Одисеас Папатанасиу или за јавноста познат под уметничкото име Вангелис.
© 2024 МОЈ ПОРТАЛ  Сите права се заштитени.   изработено од Асидус