Животен стил, Кујна, Рецепти

Шарена солена торта

09 октомври, 06:51

Оваа вкусна и декоративна закуска бара малку повеќе време па затоа ја препорачуваме за посебни пригоди, домашни слави, родендени, имендени...

Тестото може да го испечете во плехот од шпоретот или во тркалезен калап.

По подготовката убаво декорирајте ја и ставете ја на масата цела, или исечете парчиња и наредете ги во чинија.

 

 

Состојки:

За тесто:
4 јајца
1 шолја масло
1 шолја јогурт
прашок за печиво
10 лажици брашно
½ кг. обарен, исцеден и исечкан спанаќ
малку сол

За фил:
½ кг. изварка
1 мала тегличка мајонез
100 гр. сечкана шунка
1-2 сечкани корнишони
2-3 тврдо варени јајца
магдонос
сол по вкус


Подготовка:

Тесто: Јајцата убаво се матат со миксер, се додаваат течностите, брашното, и на крај спанаќот. Смесата се става во плех обложен со хартија и се пече на околу 180 °Ц. Се сече на 3 ленти и се филова.

Фил: Изварката се мати со мајонезот, дел се остава за надворешно филување, а во останата смеса од изварка и мајонез се додаваат шунката, корнишоните, магдоносот и ренданите јајца.
Основата на филот се изварката и мајонезот, сè друго можете да промените по ваш вкус. Може да додадете маслинки, свежа пиперка, да не ставате шунка...

Филуваната торта се украсува по желба. Во смесата за филување додадете малку црвена пипер и намачкајте го горниот дел од тортата, или нарендајте кашкавал, направете ружички од тенко исечена шунка...

Добар апетит!

 

 


автор: Stojanovska Elena

Оваа вест е прочитана 7793 пати.

Коментари [0]

Додади коментар


Безбедносен Код:
Security Image  Освежи

Коментар


НА ДЕНЕШЕН ДЕН

28 Март

28 Март

Во 1986 година во Њујорк е родена Стефани Џоан Ангелина или позната за светската јавност како Лејди Гага. 

© 2024 МОЈ ПОРТАЛ  Сите права се заштитени.   изработено од Асидус