Позитива, Поучни приказни

Слушни го гласот на тишината

18 јуни, 17:45

Еден фармер додека работел во шталата забележал дека го нема часовникот на неговата рака. Иако не бил скапоцен, за него имал големо сентиментално значење.

Долго го барал низ сеното, но не успеал да го најде. Не можејќи сам, ги повикал и децата кои си играле пред шталата, ветувајќи им награда, ако го најдат.

Заедно продолжиле со барање, но, никако не успеале да го пронајдат. 

Фармерот не можејќи да го најде се разочарал и престанал да го бара. Тогаш едно од момчињата му се приближило и го замолило да му дозволи уште еднаш да погледне. Зошто да се спротивстави кога и така не губи ништо, фармерот му дал уште една шанса. 

Додека сите биле пред шталата, момчето се вратило назад и продолжило да го бара. За кратко време излегло со часовникот в рака. 

Фармерот среќен го прашал: „Како успеа да го најдеш?“

„Не направив ништо посебно, само седнав на подот и чекав да слушнам од каде доаѓа звукот на отчукувањето на часовникот. Погледнав во таа насока и го најдов.“ - одговорило момчето.

Запомни: Мирниот ум подобро работи од изморениот. Дај му на твојот ум неколку минути тишина во текот на денот и ќе забележиш колку ќе ти помогне. Душата секогаш знае што да направи за да се излечи. Но, треба да се замолчи умот!


автор: Stojkoska Monika

Оваа вест е прочитана 2097 пати.

Коментари [0]

Додади коментар


Безбедносен Код:
Security Image  Освежи

Коментар


ПОПУЛАРНО

НА ДЕНЕШЕН ДЕН

18 Септември

18 Септември

Во 1961 година е роден Џејмс Гандолфини, американски актер. Џејмс Гансолфини или познат како Тони Сопрано, по својата улога во телевизиската серија „Сопранови“.

© 2020 МОЈ ПОРТАЛ  Сите права се заштитени.   изработено од Асидус