Грижата за очите и за видот е многу важна, исто како што и секоја друга грижа е важна кога станува збор за здравјето.

Навремено превземените мерки за зачувување на видот, даваат извонредни резултати.

Колку повеќе внимание посветуваме на очите и на видот, толку повеќе ги намалуваме можностите за појава на дегенеративни промени.

Со внесувањето на А, Ц и Е витамините, како и цинк, лутен, бета каротин и омега 3 масните киселини, превентивно се делува на видот и на очите.
Кога се спомнуваат овие витамини и минерали не се мисли на таблети кои ги содржат нив и кои треба да се земаат, туку се мисли на храна која изобилува со нив.

Кои состојки и продукти ги содржат токму овие витамини и минерали?

1. Кикири - поради изобилството со витамин Е и омега 3 масни киселини, кикирите се едни од задолжителните состојки за лицата кои имаат некаков проблем со очите и видот. 
Личностите кои имаат намалено ниво на омега 3 масните киселини, најверојатно и веќе имаат некакви очни болести. 
Како резултат на намаленото ниво може да се појави дијабетична ретинопатија, како и оштетување на крвните садови на мрежницата на окото, состојби кои понатаму може да доведат до слепило.
За да се избегнат овие непосакувани појави грицкајте повеќе кикири.

2. Сок од портокал - витаминот Ц кој во огромни количини се наоѓа во портокалот, многу благотворно влијае врз здравјето на очите.
Доволно е да се земаат 500 мг. дневно за да се зачува видот и острината на очите. 
Овој сок го подобрува очниот притисок и ја намалува шансата за заболување од катаракта. 
За да имате здрави очи, нека ви стане навика дневно да консумирате по една или две шолји свежо цеден сок од портокал.

​

3. Школки - изобилуваат со цинк - минерал кој е неопходно да се внесува во организмот доколку се сака да се има здрави очи.
Препорачана дневна доза на цинк е од 40 до 80 грама, а 6 школки содржат 76,3 мг. цинк, количина која ги задоволува секојдневните потреби. 
Цинкот му овозможува на витаминот А во доволни количини да го произведува пигментот меланин кој ги штити очите и го подобрува гледањето во темница. 
Цинкот исто така може да се најде и во говедското месо, гравот и оревите, но во нив го има во многу помали количини за разлика од школките.

​

4. Кељ - исто како и останатите видови на зелен лиснат зеленчук, кељот е богат со антиоксиданси кои ги штитат очите од слободните радикали.
​Овие видови на зеленчук ја зголемуваат густината на пигментот во делот на мрежницата, која ни овозможува подобро да можеме да читаме и секако да гледаме, па затоа лиснатиот зеленчук нека стане неизоставен дел од вашето дневно мени.