Совети
Инсталирајте ги сите програми одеднаш
Инсталирање или уште полошо преинсталирање!!!!! Не знам за вас, но секогаш кога треба да си го преинсталирам компјутерот ме потсетува на моментот кога треба да си ја средам работната соба. Насекаде куп документи (читај програми), ливчиња. Почнува да ми се врти од самата помисла. Оваа програма е компатибилна, оваа не е, па интернет страници безбедни за преземање програми, па Windows нешто не сака да ја инсталира програмата, нешто фалело, па сум заборавила java script... Ве тера едноставно да станете потолерантен човек и да чекате 10 минути да се одмрзне екранот, само за да ја избегнете преинсталацијата. Добро, не велам дека и тоа не е позитивно, но сепак подобро би било кога би го користеле Ninite.
Е, што е тоа? ninite.com е интернет страница преку којашто можете да ги преземете, инсталирате и ажурирате сите бесплатни програми. Единствено што треба да направите е да пристапите до страницата, во листата со програми изберете ги оние што сакате да ги инсталирате и потоа кликнете Get installer. Ninite ќе ги преземе програмите за вас, создавајќи мала датотека. Потоа кликнете само Run и уживајте додека Ninite ги инсталира вашите програми.
Но ова не е најдоброто од Ninite. Оваа датотека можете да ја меморирате на УСБ и истите програми да ги инсталирате на друг компјутер. А за сите корисници на Windows 8, доколку не ја разгледавте внимателно листата на програми, погледнете уште еднаш. Во листата Utility е вашето Classic Start мени што ви недостасува во Windows 8.
Благодарение на недостатоците на Windows 8 ги добивме прекрасните и доста корисни програми Ninite и Launchy.
Ninite може да се користи на сите платформи (Windows, Macintosh, Linux).
Додади коментар