Статии
Моќта на насмевката
12 септември, 06:22
Насмевката има чудесна моќ. Таа е зрак светлина во темнината, лек за болката, вода за жедта. Насмевката ја топли душата, охрабрува и разубавува. Не штедете ја вашата насмевка. Подарете ја несебично, секој ден и секому кому му е потребна.
Никогаш не знаете колку некому ќе му значи една обична насмевка, ни кога токму вам ќе ви биде потребна.
Искрената насмевка е како невидлива рака подадена кон оној на кого му треба утеха, охрабрување, разбирање. Таа кажува повеќе од илјада зборови и има моќ некому да му го разубави денот, да му помогне, да му каже дека е вреден, дека не е сам...
Никој не е толку сиромашен, уморен или несреќен за да не може да подари една насмевка.
Подаривте ли денес некому насмевка?
извор: Мој Портал
автор: Stojkoska Monika
Оваа вест е прочитана 3398 пати.
Додади коментар