Здравје, Природни лекови
Сурутка – најздравиот млечен производ
Сурутката е исцедокот кој се добива при засирувањето на млекото, односно нус-производ. Ги содржи околу 20% од вкупните протеини кои ги има во млекото од животинско потекло.
Покрај големото количество протеини, ги содржи сите девет амино-киселини кои се значајни за организмот.
Лесно се апсорбира, може да се додаде како додаток во различни диети, често се користи за одржување на мускулната маса и за спречување на мускулна атрофија. Заради забрзувањето на метаболизмот и подобрувањето на потрошувачката на масти сурутката помага за намалување на телесната тежина. Особено се препорачува за личности кои се физички активни и за оние кои имаат слаб имунолошки систем.
Овој состав на протеини и амино-киселини е добар за намалување на ризиците од срцеви заболувања, рак и дијабетес. Според некои истражувања се смета дека големото количество на протеини од сурутка го зголемува глутатионот кој како антиоксиданс го брани телото од различни токсини.
Храна која содржи сурутка
Сурутката може да се најде во најразлични производи кои содржат млеко, и тоа: млеко од животинско потекло, млечни производи (кашкавал, сирење, јогурт), путер, крем.
Несакани дејства
Голем дел од луѓето добро го поднесуваат овој додаток во исхраната. Во ретки случаи може да се јави: подуеност и грчеви во стомакот, гадење, гасови и алергиски реакции.
Додади коментар