Green Car Journal го претстави Ford Fusion, добитникот на наградата за „Зелен автомобил 2013”. Победникот беше прогласен синоќа, на автомобилско шоу во Лос Анџелес.

Секоја година познатиот магазин избира „зелен автомобил” кој има минимално штетно влијание врз природата, односно намалена емисија на штетни гасови. „Зелените автомобили” најчесто се хибриди со повеќе од еден извор на енергија, како што е електричен мотор и мотор со внатрешно согорување или електромотор со батерија и горивни ќелии за складирање на енергија. 

Покрај победникот, за наградата конкурираа и Toyota, Dodge, Mazda и уште еден Ford модел. Минатата година наградата за „зелен автомобил”  ја доби Honda Civic GX.