Од компанијата Samsung Electronics соопштија дека успешно помина тестирањето на петата генерација (5G) безжична технологија. 

Јужнокорејските гиганти тврдат дека 1 GB може да се пренесе за 1 секунда на оддалеченост од неколку километри. Оваа технологија се очекува да биде подготвена за да се појави на пазарот кон 2020 година. Со петата генерација на безжична технологија се очекува да се овозможи брз пренос на податоци, дигитални филмови со висока резолуција, односно пренос без ограничување.

Корисниците на новата технологија ќе имаат можност да уживаат во широкиот спектар на услуги како што се 3Д филмовите и игрите.

Јужна Кореја има 20 милиони корисници на 4Г технологијата, што ја прави една од земјите со најголем број корисници на оваа технологија.