Launchy е слободен софтвер со многу едноставен дизајн и примена. Тој е вашето ново Start копче, со многу помалку кликови ;)
По инсталацијата, стартувајте го Launchy.  Доста едноставно нели?

Најважно е да знаете како да ги активирате сите активности што сакате да се извршуваат преку Launchy. Покренувањето на програми и отворањето на интернет страници се нагодува со самата инсталација, но доколку сакате преку Launchy  да пристапувате и до вашите папки, следете ги овие чекори:

1. Кликнете на копчето во форма на запчаник.
Се прикажува дијалог за поставки. Изберете го табот Catalog.

2. Во делот Directories се прикажани сите директориуми што се веќе во употреба. За да додадете нов директориум, пр., партицијата D, кликнете на копчето +. Изберете ја партицијата D од листата. 

3. Во делот File Types, повторно кликнете на копчето + (што се наоѓа под овој дел). 
 Впишете ги сите екстензии на датотеки до коишто сакате да пристапите со Launchy, пр.: *.doc, *.avi, *.pdf итн.

На крај кликнете Rescan.
Вратете се на почетниот прозорец Launchy и испишете го името на некоја програма, интернет страница или папка. Кликнете Enter.

 Линк за преземање: http://www.launchy.net/download.php#windows