Комедијата „The Three Stooges“ потсетува на филмовите од средината на 20 век, а светската критика ја оцени како насилен и невоспитан хумор. „The Three Stooges“ е во режија на браќата Фарели, а во главните улоги настапуваат: Шон Хејс, Вил Сасо, Крис Диамантопоулос и Софија Вергара.

Сè започнува кога три деца ќе бидат фрлени пред вратата на една калуѓерка. „Чудниот“ хумор се проткајува низ постапките и изгледот на триото: Крис, Шон и Вил. Нивното однесување нема да се промени ни по 25 години. Триото сè уште живее во дом за деца сирачиња. Но, доколку домот во рок од 30 дена не најде 830 000 долари, ќе мора да се затвори. Кој друг освен триото би можел да го спаси домот.