„Сакам кај секое човечко суштество да исчезне стравот од смртта или од животот и секој да најде дефинитивна среќа до која може да дојде само со длабоко разбирање на природата на умот и на целата стварност.
Се молам оваа книга да помогне за будење на свеста на што поголем број луѓе, за неопходноста од духовното преобразување и итна потреба од создавање на вистинска одговорност, како во однос на себе, така и во однос на другите, за да се изгради општество кое на секој план и во секоја активност ќе го одразува овој едноставен свет став во однос на животот.
Во секој од нас постои неисцрпен резервоар на сила на мудроста, сочувството и љубовта, сила која Христос ја нарекол Небесно царство.
Просветлувањето е секому достапно, зашто внатрешната природа на духот на секој човек е идентична со природата на Буда, кој бил само човечко суштество, како што сме и сите ние.  
Буда значи „внатрешен”, оној што ја бара вистината внатре, во себе и сите учења на будизмот се насочени кон согледување на основната природа на нашиот ум, кон ослободување од стравот и сфаќање на вистината за животот.  
Тоа бара целосен пресврт во нашиот став кон животот и духот. 
Толку сме навикнале да гледаме надвор од себе, што речиси сосем сме го изгубиле пристапот кон своето внатрешно битие. 
Состојбата на нашата првобитна природа отсекогаш била совршена како небото. Стигнувањето до тоа небо во нас значи да се оствариме себеси и да достигнеме просветлување ...” 

- Согјал Ринпоче -