Техно Свет, Автомобили
Топ 5 најскапи и најбрзи автомобили во светот
Сместете се удобно, ставете ги појасите и уживајте во возењето!
Препуштете ѝ се на фантазијата, бидејќи можеби никогаш нема да имате можност навистина да се возите со овие топ 5 автомобили.
Денешното возење ќе биде навистина брзо. Ги ставивте појасите? Почнуваме!
Bugatti Veyron Super Sport: 2,400,000 долари
Најскапиот, воедно е и најбрз автомобил на светот кој развива брзина од 430 км/час. Bugatti Veyron Super Sport е спој на моќ и перформанси, а неговиот 16 цилиндричен мотор со 1.200 коњски сили овозможува забрзување до 100 км/час, за само 2.5 секунди!
Ве предупредивме дека брзо ќе возиме!
Ferrari 599 XX: 2,000,000 долари
Луксузниот автомобил е достапен само за одредена група сопственици на Ferrari.
Опремен со V12 мотор со 700 коњски сили, Ferrari 599 XX е дизајниран за тестирање на границите на максимална ефикасност.
Развива брзина и до 96 км/час за 2.9 секунди.
Pagani Zonda Clinque Roadster: 1,850,000 долари
Топ 3 автомобилот Pagani се смета за егзотичен претставник во светот на супер брзите автомобили.
Направен е од карбо титаниум, а рачно изработените турбо мотори развиваат брзина од 96 км/час за 3.4 секунди. Максималната брзина на Pagani Zonda е 349 км/час.
Произведени се само 5 вакви автомобили.
Zenvo ST: 1,800,000 долари
Данците внимавале на сите детали при изработката на овој убавец. Бојата, материјалот за гумите, потрошувачката, сè е предвидено и направено по мерка.
8 цилиндричниот мотор развива брзина од 96 км/час за 2.9 секунди, а доколку се одлучите да го купите, компанијата има посебен тим кој постојано се грижи за одржувањето и е подготвен секогаш да ви излезе во пресрет.
Lamborghini Reventon: 1,600,000 долари
Навистина изгледа како да не е од овој свет, нели? Инспириран од најбрзите авиони, Lamborghini Reventon има супер V12 мотор, со максимална брзина од 340 км/час, а за 3.4 секунди развива 100 км/час.
Уживавте во возењето?
Додади коментар